Voordat ek my webblad geloods het – is ek deur Marisa Haasbroek gevra om as gasskrywer op te tree op haar webblad. Sy het gevra dat ek iets skryf wat deur ouers van voorskoolse kinders gebruik kan word.
Ons het besluit op die tema : 6 dinge om met jou ses-jarige te doen.
Gaan lees gerus! Kommentaar is welkom đ
My naam is Louise Bodenstein. Ek is ‘n Tuisskool ma van ses pragtige kinders en steeds baie gelukkig 
getroud. Ek is tans woonagtig in Otjiwarongo , Namibie. Ons het in 2016 terug getrek hierheen , nadat ek al my grootword jare op ‘n plot net buite Pretoria spandeer het.
Ek Tuisskool sedert die begin (2004) , hoewel ek vir ‘n tydperk van amper 2 jaar my oudste 2 kinders skool toe gestuur het. Ek is ‘n kennis vraat en aangesien Tuisskool my passie is, is ek konstant besig om meer te leer.Wanneer ander mense besig is om  TV te kyk, is ek besig om artikels te lees oor ontwikkeling en opvoeding van kinders.
Ek is uitgedeel met ‘n baie “brainy” kind met ‘n hoĂ« IK wat altyd wil gestimuleer wees , ‘n disleksiese , kunsinnige kind – wat besonders begaafd is met haar lyf (eistedfod wenner in ballet en goue medalje wenner in Gimnastiek) en wat die mooiste kuns skeppings kan maak, en ‘n seun met ‘n spraakprobleem , wat uitmuntend vaar met wiskunde en die mooiste sagste hart het.My Graad 1 seuntjie is ‘n “Gig” in sy sussie se woorde – ‘n klein ingeneurtjie in wording. My Graad R dogtertjie is net so ‘n sterk persoonlikheid soos my oudste – en glo baie keer ook sy is die oudste! ‘n Regte leiertjie! My baba van 2 is almal in die gesin se witbroodjie en verskaf vir ons onneidig baie laggies en genot!
My benadering tot Tuisskool is sterk eklekties met ‘n goeie dosis van Charlotte Mason se metodes.
Ek het op skool aan elke moontlike sport deelgeneem en selfs Noord- Transvaal teenwoordig met hoogspring, verspring en 100m. Verder het ek op laerskool Gimnastiek  gedoen en daar ook baie goed gevaar. Na ‘n rugbesering het ek oorgegaan ballet toe op hoĂ«rskool – en hoewel dit net vir genot was is ek steeds versot op die prag en kuns van ballet. Met hierdie sport agtergrond is ek tans ook ‘n Fungym afrigter (gimnastiek vir voorskool) en Gimnastiek afrigter vir die seuns in ons klein dorpie :-).
Ek is passievol oor die behoud van ons taal – Afrikaans . Ek glo ook dat ‘n kind die reg het om in sy moedertaal onderig te word.Daar is ‘n ongelooflike behoefte aan meer Afrikaanse Tuisskool programme en ek hoop om met Lieflik en Loflik iets daar te stel wat reg laat geskied aan ons pragtige taal sodat ons kinders ook hulle kinders in Afrikaans sal wil opvoed!
Ek is ook die skepper en eienaar van die webblad: www.tuisskoolinafrikaans.weebly.com waar jy gratis toegang het tot hope gratis Afrikaanse hulpbronne.
Jy is welkom om my te kontak op:
info@lieflikenloflik.co.za of telefonies op +264 81767 1353
Lieflik en loflike groete
Louise
Ek loop reeds jare rond met ân begeerte om ân Afrikaanse âEasy Peasyâ daar te stel. Uiteindelik het die tyd aangebreek vir hierdie droom om ân werklikheid te word!
Die Voorskoolse letters moet bo alles die naam van âLieflik en Loflikâ onderskryf. Ek wil hĂȘ die kind moet op een of ander stadium sĂȘ : âHierdie is so mooi mamma!â Ek het ân dringende begeerte om ons kinders van jongs af aan die mooi in die lewe bloot te stel â en ek hoop om dit deurgaans te kan deurdra in elke program wat ek bekend stel.
Hierdie is ook ân geĂŻntegreerde program. Nie net poog ek om verskillende mediums te gebruik om leer vas te lĂȘ nie , ek probeer soveel as moontlik assosiasies daar stel as âhakkiesâ waaraan alle ander inligting gehak kan word. Ek wil ook in elke program die sintuie soveel as moontlik stimuleer om te help met sensoriese integrasie probleme en poog ook om aktiwiteite in te sit wat gewoonlik sal deel uit maak van spraak terapie of arbeids terapie. Hierdie is dus ân program wat die âheleâ kind aanspreek.
Natuurlik moet dit ook pret wees om Letters te leer! Ek hoop die aktiwiteite, liedjies , stories en meer gee vir mamma en kind iets om oor te glimlag en skep tussen julle ân band van liefde en geluk in mekaar se teenwoordigheid. Soos Ambleside International sĂȘ : â Is it good to be me , here with you?â
Baie van die materiaal wat gebruik word is vrylik op die internet beskikbaar â ek verpak dit net sodat dit meer toeganklik is vir die gebruiker. Daar is ook materiaal betrokke wat ek self ontwikkel het. Die hele webtuiste is onder kopiereg en dus sal ek gebruikers se respek vir hierdie feit waardeer.
Daar is baie liefde en sorg in hierdie program ingesit en ek hoop dat dit sal deurskemer na my gebruikers toe.
Mag julle geseën word deur die gebruik van hierdie program!
Lieflik en loflike groete
Louise